പൂക്കാട് കലാലയം സുവർണ്ണ ജൂബിലിയുടെ ഭാഗമായി മ്യൂറൽ ചിത്രപ്രദർശനം നടന്നു. ജൂലൈ 4 മുതൽ 8 വരെ കോഴിക്കോട് ലളിതകലാ അക്കാദമി ആർട്ട് ഗാലറിയിലാണ് പ്രദർശനം. മ്യൂറൽ ചിത്രങ്ങളുടെ അടിസ്ഥാന നിറങ്ങൾ ഉപയോഗിച്ച് ഇരുപതോളം ചിത്രകലാ വിദ്യാർഥികളുടെ പ്രദർശനമാണ് നടന്നത്. ജൂലൈ നാലിന് രാവിലെ പതിനൊന്ന് മണിക്ക് ഉദ്ഘാടന സമ്മേളനത്തിൽ ഗുരുവായൂർ ദേവസ്വം മ്യൂറൽ പഠന കേന്ദ്രത്തിന്റെ പ്രിൻസിപ്പാൾ എം. നളിൻ ബാബു പ്രദർശനം ഉദ്ഘാടനം ചെയ്തു.. കലാലയം പ്രസിഡൻറ് യു കെ രാഘവന്റെ അധ്യക്ഷതയിൽ ചേർ യോഗത്തിൽ കലാലയ ജനറൽ സെക്രട്ടറി സുനിൽ തിരുവങ്ങൂർ സ്വാഗതവും സുരേഷ് ഉണ്ണി നന്ദിയും പറഞ്ഞു. ചിത്രങ്ങൾ പരിചയപ്പെടുത്തിക്കൊണ്ട് മ്യൂറൽ അധ്യാപകനും ചെയർമാനുമായ രമേശ് കോവുമ്മൽ സംസാരിച്ചു. കാലിക്കറ്റ് സ്കൂൾ ഓഫ് ഫൈനാർട്സ് പ്രിൻസിപ്പാൾ എം ലക്ഷ്മണൻ, യൂണിവേഴ്സൽ ആർട്സ് പ്രിൻസിപ്പാൾ കെ എം സെബാസ്റ്റ്യൻ, പ്രശസ്ത മ്യൂറൽ ചിത്രകാരൻ സതീഷ് തായാട്ട് എന്നിവർ ആശംസകൾ നേർന്നു. വിശിഷ്ടാതിഥികൾക്കുള്ള ഉപഹാരം കലാലയം പ്രിൻസിപ്പാൾ ശിവദാസ് ചേമഞ്ചേരി വിതരണം ചെയ്തു. അഞ്ച് ദിവസം നീണ്ടു നിന്ന പ്രദർശനത്തിൽ കലാലയം മ്യൂറൽ വിഭാഗത്തിലെ പഠിതാക്കളായ സി ശാന്തകുമാരി, ഷീജ റഷീദ്, ഷീബ സുലീഷ്, ഹീര സുനിൽ, അയന ടി കെ, അനശ്വര ടി, ശ്രുതി വി.പി, റിങ്കുഷ രാജൻ, ഷിബിന മനോജ്, സുരഭി എച്ച് ഗൗഡ, സവീഷ് കുമാർ, ബബീഷ് കൗസ്തുഭം, അഖിൽ സി കെ, ലിജീഷ് കെ എം, ജോബീഷ് എം കെ, അരുൺ ശ്രീ, ബിനീഷ് ലക്ഷ്മണൻ എന്നിവരുടെ ചിത്രങ്ങളാണ് പ്രദർശിപ്പിച്ചത്.
